kata mutiara populer bahasa manado

Kata - kata mutiara Bahasa Manado. kata mutiara sangat penting bagi manusia untuk membuat dia semangat lagi setelah terjatuh. tapi kata mutiara dalam bahasa Indonesia telah banyak dimuat oleh orang - orang diberbagai macam blog. berhubung penulis berasal dari Tanawangko Minahasa Manado maka menjadi suatu keharusan untuk menuliskan kata mutiara populer tapi dalam bahasa Manado.
berikut Kata Mutiara Populer Bahasa Manado :

• ngana boleh mo tunda mo brubah ngana pe hidop lantarang banya urusan, mar ni dunia ini nda pernah mo tunggu sampe ngana berubah
• sukses boleh mo kase arti deng banya cara, mar kalo Kegagalan cuma satu kata yang pas yaitu saat ngana brenti 'berusaha'
• Ilmu boleh modapa kalo torang suka tau deng hobby batanya kong bapikir bagimana sampe 'sesuatu itu sampe jadi bagitu'
• hati yang so luka so sama deng besi yang so bengko, satu kali bengko stengah mati mo kase tre.
• Jika nga masih tabangun beso pagi, jang lupa bersyukur pa Tuhan Yesus karna ngana masih ada kesempatan mo beking tu 'bae - bae' kong mo tidor ulang.
• tu tamang sejati adalah dia yang bilang yang butul, bukang cuma tu ja io - io apa nga ja bilang.
• tamang sejati adalah dia yang ada waktu ngana susah deng abis doi, bukang orang- orang yang ada waktu ngana beking pesta deng waktu ada doi. samadeng pepatah ada gula maka ada tu bifi merah,. ,hehehe.
• torang jang cuma tunggu - tunggu tu berkat mo datang walaupun so berdoa ukur bengko, kadang torang musti berdoa kong bekerja alias beking sesuatu kong jemput tu berkat,., okay
• jang salalu mengeluh tu masalah yang datang pa ngana, mar torang musti bersyukur pa Tuhan Yesus lantarang kadang torang musti mo rasa tu Siksa baru mo rasa tu Senang.
• Sarjana tu dia yang boleh mo hidop mandiri kong beking lapangan pekerjaan sandiri bukang dia yang cuma bakarja pa orang  seumur hidop

sekian dulu kata mutiara bahasa Manado yang sumbernya dari berbagai macam tempat, orang dan alamat yang di transalte oleh penulis. semoga bermanfaat.

Sitou timou tumou tou,. ,